KomunaeVitise

Kryetari i komunës së Vitisë Nexhmedin Arifi, në konferencën e rregullt për shtyp , ka njoftuar gazetarët me aktivitetin gjatë dy javëve të fundit. Ndër tjerash ai ka përmendur angazhimet në përmirësimin e kushteve nëpër shkolla, për përmirësimin e vijimit të procesit edukativo-arsimor, duke e paraqitur gjendjen në Gjimnazin “Kuvendi i Lezhës” si mjaftë alarmante dhe që kërkon një intervenim të shpejtë për sanimin e gjendjes.

Udhëheqja komunale e Vitisë,partitë politike dhe qytetarët e kësaj komune i kanë dërguar një kërkesë institucioneve më të larta të vendit për falje të dënimit të  ish luftëtarit të UÇK-së Xhavit Hasani, i cili është dënuar nga gjykata e Maqedonisë  me 13 vite burgim dhe tani po vuan dënimin në burgun e Dubravës.

Asnjë subjekt afaristë i cili nuk ka kryer obligimet ndaj komunës, nuk do të mund të ushtroj veprimtarinë e saj, kanë bërë të ditur  autoritetet komunale të Vitisë, duke paralajmëruar edhe mbylljen e të gjitha subjekteve afariste  të cilat nuk kanë licencë për punë.

Institucionet komunale të Vitisë kanë themeluar Zyrën e cila do të merret ekskluzivisht me punën e Organizatave siç janë OVL të UÇK-së (Organizata e Veteranëve të Luftës) SHFD (Shoqatën e Familjeve të Dëshmorëve), SHVC (Shoqatën e Viktimave Civile) si dhe SHBP (Shoqatën e të Burgosurve Politik). Nëpërmes përgjegjësit të kësaj zyre i cili do të jetë i ngarkuar të përcjellë aktivitetin dhe të mbështesë këto organizata, parashihen të realizohen disa projekte që do të jenë në interes si të komunës po ashtu edhe organizatave të përmendura.

Me qëllim të informimit dhe të njohjes me problemet dhe nevojat e qytetarëve të komunës së Vitisë, udhëheqja komunale ka vazhduar agjendën e takimeve me banorët e kësaj komune. Takimi i radhës është mbajtur me banorët e fshatit Gërmovë, ku janë paraqitur nevojat e qytetarëve dhe problemet me të cilat ballafaqohen ata.