KomunaeVitise

Me qëllim të zhvillimit të kulturës dhe sportit në komunën e Vitisë, është mbajtur sot një debat publik me njohës të këtyre lëmive, në kuadër të angazhimeve për hartimin e planit zhvillimor komunal, organizuar nga koordinatori për hartimin e këtij plani në bashkëpunim me OJQ “Elita” dhe bashkëpunim të Organizatës zvicerane “Intercooperation”.

Komiteti  Komunal për grumbullimin e ndihmave për zonat e përmbytura nga vërshimet në Shqipëri, i formuar me iniciativën e qytetarëve, bizneseve, shoqatave joqeveritare, bashkësive fetare, sindikatave të punëtorëve, subjekteve politike dhe i mbështetur nga Kryetari i Komunës së Vitisë, z. Nexhmedin Arifi, fillon grumbullimin e ndihmave për të prekurit nga vërshimet në Shqipëri.

Familjeve të përmbytura nga vërshimet në disa zona të Shqipërisë, do tu dërgohen ndihma në gjëra ushqimore, veshmbathje dhe në të holla nga institucionet, organizatat, bizneset, shoqëria civile dhe qytetarët e komunës së Vitisë, të cilët me iniciativën e kryetarit të komunës së Vitisë, tani më kanë themeluar edhe komitetin për grumbullim të ndihmave humanitare  që do të përbëhet nga përfaqësueses të institucioneve, bashkësive fetare, sindikatave të arsimit dhe administratës, shoqatave humanitare, këshillave të fshatrave si dhe komunitetit të biznesit.

Zonat e përmbytura nga uji në veriun e Shqipërisë, kanë nxjerrë në dukje edhe nevojën e reagimit të shoqërisë sonë. Në këtë kontekst, duke kujtuar  në thelbin e  solidaritetit e të humanizmit,  Kryetari  i Komunës së Vitisë, z. Nexhmedin Arifi, në përputhje edhe me kompetencat që ka, mori vendim për ndarjen e 10.000 eurove ndihmë për zonat e përmbytura nga uji në veriun shqiptar.