KomunaeVitise

Në garën zgjedhore  për balotazh në komunën e Vitisë të 13 dhjetorit, kryetari aktual i komunës Nexhmedin Arifi nga PDK ka fituar besimin e qytetarëve të kësaj komune për të qeverisur edhe në katër vitet e ardhshme. Në bazë të komisionit komunal zgjedhor dhe atij qendror, Arifi ka fituar 55.2 % të votave, kundrejtë kandidatit Sokol Haliti nga LDD i cili ka pasur 44.8 % të votave.

Në takimin e rregullt të sigurisë të kryetarit të komunës me përfaqësues të KFOR-it, Policisë së Kosovës dhe asaj të EULEX-it, gjendja e përgjithëshme e sigurisë në territorin e komunës së Vitisë u vlerësua e qetë dhe stabile.

Përfaqësuesit e ekipit për hartimin e planit zhvillimor komunal dhe urban të Vitisë , bizneseve të ndryshme dhe të shoqërisë civile, në debatin e organizuar nga  OJQ “Elita” në mbështetje të komunës së Vitisë, ekipit profesional për hartimin e planit zhvillimor komunal dhe urban dhe Fondacionit “Intercooperation”,  kanë debatuar të premten rreth mundësisë së përfshirjes sa më të madhe të bizneseve në hartimin e planit zhvillimor komunal dhe urban.  

Mbahet debati publik me temë “Bizneset në shërbim të hartimit të planit zhvillimor komunal dhe urban të Vitisë” i cili organizohet nga OJQ “Elita – Viti” në mbështetje të Fondacionit “Intercooperation” dhe në financim të Qeverisë së Zvicrës, në kuadër të projektit LOGOS si dhe me përkrahje të Komunës së Vitisë dhe kompanisë konsulente në hartimin e planit zhvillimor komunal dhe urban SFC KRISTALI.

Debati mbahet më : 04. dhjetor. 2009 ( e Premte)  me fillim në ora 10.00 në Sallën e Mbledhjeve të Kuvendit Komunal – Shtëpia e Kulturës “Gursel e Bajram Sylejmani” në Viti.

Në debat do të prezantojnë përfaqësues të bizneseve dhe pronarët e trojeve që kanë interesat e lidhura me planin zhvillimor komunal dhe urban, përfaqësuesit e institucioneve komunale si dhe shoqërisë civile.

Në debat nga përfaqësuesit e kompanisë konsulente në hartimin e planit zhvillimor komunal dhe urban të Vitisë  do të prezantohen aktivitetet e deritanishme në hartimin e këtyre dokumenteve dhe planet për të ardhmen.

Projekti i rregulimit të Qendrës së Qytetit në Viti, ka hyrë në fazën finale. Pas përfundimit të punimeve për rregullimin e trotuareve, dy ditët e fundit janë mbjellur fidanet dhe është asfaltuar edhe rruga kryesore e cila po vazhdon edhe më tej me asfaltimin e rrugëve anësore që lidhen me qendrën e qytetit.