KomunaeVitise

Kryetari i komunës së Vitisë Nexhmedin Arifi, i shoqëruar edhe nga zv.kryetari Xhevat Bislimi e koordinatori për hartimin e Planit Zhvillimor e Urban Ismajl Baftiari, kanë  udhëtuar për në disa vende evropiane në vazdën e takimeve zyrtare me përfaqësues institucional dhe biznesmenë të disa shteteve. Ata fillimisht po mbajnë disa takime me zyrtarë dhe përfaqësues të biznesit në Itali, për të vazhduar më pas edhe në Francë, Belgjikë e Gjermani.

Këshilltarët e Kuvendit  Komunal të Vitisë në seancën e saj të jashtëzakonshme të mbajtur sot më kërkesë të kryetarit të kësaj komune Nexhmedin Arifi ka shqyrtuar vendimin për ndarjen e lokacionit më qellim të ngritjes së shtatores të dëshmorit të kombit Bafti Haxhiut. Ky propozim vendim u miratua një zëri nga të gjithë këshilltarët e kuvendit komunal .

Çerdhja e Fëmijëve “Gëzimi Ynë” në Viti, nuk ka funksionuar për disa javë në mungesë të kushteve për tu punuar. Pas reshjeve të shiut, javë më parë janë vërshuar mësonjëtoret në këtë objekt, si pasojë e amortizimit të çatisë. Puna në këtë institucion ka filluar që nga sot, pas intervenimit të shpejtë nga institucionet komunale në sanimin e defekteve teknike. Me këtë rast këtë institucion e vizitoi sot kryetari i komunës Nexhmedin Arifi, i cili duke ju uruar punë të mbarë në objektin e rinovuar edukatorëve dhe fëmijëve, ka theksuar se pas gjendjes së krijuar javë më parë kemi arrit të rikthejmë këtë gjendje normale ku tani kushtet janë më të mira, duke premtuar se do të angazhohet në përmirësimin e punë edhe në te ardhmen.

Në Kllokot të Vitisë ka filluar së realizuari projekti për ndërtimin e ndërtesës për banim e cila do të posedoj 66 banesa. Pronari i kompanisë “Dardani Company” e cila edhe është fituese e tenderit për ndërtimin  e objektit Sabri Novosella, tha se rëndësia e këtij projekti është e se do të vendosen banorë të cilët nuk do të kenë nevojë të udhëtojnë nga qytete e tjera dhe do të bashkëngjitet kompleksit të ndërtesave të tjera.