KomunaeVitise

Zv.ministri i Transportit dhe Postë-Telekomunikacionit Adem Grabovci, ka marrë pjesë sot në fillimin e punimeve për ndërtimin e rrugës unazore në qytetin e Vitisë, në gjatësi prej 1.000 metrash e cila do të lehtësoj qarkullimin e lirshëm të automjeteve. Me këtë rast, ai ka vlerësuar lartë angazhimet e institucioneve komunale në përmirësimin e jetës së qytetarëve të kësaj komune.

Anëtarët e Komisionit Qeveritar për demarkacionin e kufirit prof Murat Meha dhe Behar Selimi, njëherit gjeneral në Policinë e Kosovës, janë pritur sot nga këshilltari politik i kryetarit Arifi,  z. Xhevat Haziri. Në këtë takim, Haziri  përsëriti qëndrimin e institucioneve komunale lidhur me çështjen  e kufirit, respektivisht kërkesave të banorëve të fshatit Debellde. Ai theksoi se është e drejtë e çdo qytetari që të ketë qasje në pronën e tij dhe një e drejtë e tillë është edhe për banorët e fshatit kufitar Debellde.

Nën përkujdesin dhe organizimin e Kryetarit të Komunës së Vitisë, z. Nexhmedin Arifi, Drejtorisë për Buxhet e Financa të kësaj komune dhe në mbështetje (financiare) të Intercooperation e të OJQ-së “Elita”, planifikimi  i buxhetit të komunës dhe shpërndarja e saj për projektet që parashihen të zhvillohen për vitet 2010-2012, ishin temë diskutimi  me qytetarët e komunës së Vitisë.

Rreth 250.000 euro do të kushtoj projekti i rrjetit të kanalizimit për fshatrat Mogillë-Vërbovc-Podgorc në një gjatësi prej 16 km. Drejtori i Drejtorisë për Shërbime publike dhe Emergjencë Sabri Sherifi, tha se një nga prioritetet e institucioneve komunale, ka qenë edhe ndërtimi i rrjetit të kanalizimit për këto fshatra.

Vijimi procesit mësimor në Shkollën e Mesme Teknike dhe Gjimnazin “Kuvendi i Lezhes”, ishte shkas i vizitës së kryetarit të komunës Nexhmedin Arifi këtyre dy shkollave. Gaspër Demaj drejtor i gjimnazit tha se tani veq është duke u realizuar projekti për meremetimin dhe lyerjen e klasave por edhe korridoreve, ndërkohë që janë krijuar kushte shumë më të mira se deri më tani për vijim sa më të mirë të procesit edukativo-arsimor. Edhe drejtoresha e Shkollës së Mesme Teknike Elfete Zuka, ka përmendur numrin e nxënësve i cili është tejet i madh, ndërkohë pa shprehur shqetësim në lidhje mos interesimin e nxënësve për tu regjistruar në drejtimin e Bujqësisë, ku sivjet nuk është asnjë paralele.