KomunaeVitise

Me iniciativën dhe kërkesën e Kryetarit të Komunës së Vitisë, z. Nexhmedin Arifi, sot u zhvillua një takim pune që për temë kishte parandalimin dhe stopimin e prerjes ilegale të pyjeve në komunën e Vitisë.  N ë këtë takim morën pjesë edhe Kryeprokurori  Ismet Ukshini, Komandanti i stacionit policor të  Vitisë, kapiteni Afrim Halili, Selman Selmani, përgjegjës i seksionit të pyjeve për komunën e Vitisë, drejtori i Drejtorisë të Bujqësisë, z. Avni Misini e komandanti Stack (KFOR-i amerikan).

 Të dashur mësimdhënës!

   Ndjehem i privilegjuar që me rastin e fillimit të Vitit të Ri shkollor 2009/10, në emër të institucioneve të Komunës së Vitisë dhe në emrin tim personal t’ju urojë, juve arsimtarë të dashur,  punë të mbarë. Shtatori, për të gjithë ne, është muaji i përjetimeve të veçanta, por edhe më i veçantë është për ju që punoni drejtpërdrejt në fushën e arsimit. Shtatori shënon nisjen e betejës për fitore dhe suksese të reja në fushën e dijes. Është puna, përkushtimi, djersa dhe sakrifica juaj që i jepni jetë dhe gjallëri arsimit dhe edukimit të fëmijëve tanë. Puna juaj vetëmohuese, përkushtimi juaj i sinqertë dhe profesioni juaj fisnik i hapin rrugë dijes, kulturës, qytetërimit dhe fisnikërimit të mendjes dhe shpirtit të fëmijëve tanë.

Kryeministri i Kosovës Hashim Thaqi  ka çmuar angazhimin e institucioneve komunale në realizimin e projekteve të shumta që ndikojnë pozitivisht në krijimin e kushteve më të mira për jetesë. Këto projekte është dashur të kryhen qysh para 6 viteve mirëpo qeverisja aktuale po realizon atë që e ka premtuar. Duke komentuar ngjarjet e fundit ne veri të Mitrovicës, kryeministri Thaqi u shpreh se institucionet kosovare do të jenë të pakompromis ndaj banditëve dhe atyre që i pengojnë njerëzit të kthehen në pronat e tyre. Ai është shprehur se ajo që ka ndodhur dje nuk do të duhej të ndodhte ngase njerëzit kanë të drejtë të punojnë dhe të kthehen në pronat e tyre.

Një delegacion i Arbëreshëve të Italisë, është pritur sot nga kryetari dhe zv.kryetari i komunës së Vitisë. Qëllimi  i këtij takimi ishte për tu njohur më shumë me këtë komunë, me qytetarët, pozitën,pasuritë dhe kulturën e traditat e kësaj ane.

Zv.kryetari i komunës Xhevat Bislimi i ka bërë thirrje subjekteve politike për një fushatë dinjitoze, korrekte dhe respektimit ndërpartiak. Këto komente Bislimi i bëri në konferencën me gazetar, pas kritikave të degës së LDD-së drejtuar institucioneve komunale, duke kërkuar nga partitë politike që të përmbahen dhe të jenë realiste e të mos paragjykojnë.