KomunaeVitise

Ka nisur sot realizimi i projektit që parasheh bartjen dhe eliminimin e mbeturinave nga ish-deponia e vjetër e qytetit e cila ekziston që nga vitet e 80-ta. Kjo deponi ishte në një sipërfaqe prej 1.5 hektar ndërsa sasia e mbeturinave llogaritet rreth 30.000 m3.

Kryetari i Komunës së Vitisë Nexhmedin Arifi, zhvilloi  sot një takim me përfaqësues të Ministrisë së Mjedisit dhe Planifikimit Hapsinor me që rast u bisedua rreth aktiviteteve të punës në hartimin e Planit Zhvillimor të komunës, ku u dhanë ide në ecurinë e punëve për hartimin e këtij plani shumë të rëndësishëm për këtë komunë.

Tri ditë pas marrjes së objektit të Drejtorisë së Arsimit dhe Kulturës në Viti nga Shoqata e Gjuetarëve “Drenusha” sipas një vendimi të Gjykatës së Qarkut në Gjilan, këta të fundit sot janë dëbuar nga objekti nga Policia e Kosovës, në bazë të një urdhërese të udhëheqjes komunale të Vitisë.

Administrata Komunale e Vitisë, përderisa dje  ka pezulluar punët, sot po punohet normalisht në të gjitha shërbimet. Vendimi për mos punë gjatë ditës së djeshme erdhi  si reaksion i veprimeve të policisë pas marrjes së vendimit nga gjykata e Qarkut të Gjilanit për largimin e zyrtarëve komunal nga Objekti i Drejtorisë së Arsimit i cili për disa muaj me radhë kontestohet mes autoriteteve komunale dhe Shoqatës së Gjuetarëve Drenusha.

Udhëheqja komunale e Vitisë me në krye kryetarin Nexhmedin Arifi dhe rreth 60 zyrtar të tjerë komunal përfshirë drejtor të drejtorive, përfaqësues të këshillave të fshatrave etj, janë arrestuar nga policia e Kosovës, pasi që kanë refuzuar të lirojnë objektin e Drejtorisë së Arsimit dhe Kulturës në Viti. Pas mbajtjes për gati 4 orë në stacionin e policisë në Viti të këtyre zyrtarëve por edhe pas bisedimeve të kreut komunal me përfaqësues të EULEX-it, Gjykatës dhe policisë së Kosovës nuk është arritur ndonjë marrëveshje, për çka edhe kryetari Arifi ka marrë vendim që të pezulloj punën e Administratës Komunale që nga dita e nesërme e mërkurë 15 korrik.