KomunaeVitise

Të nderuar bashkatdhetar


   Zyra    për   Mërgimtarët   në   Komunën  e  Vitisë   është themeluar më  23.06.2008  nga  Qeveria Komunale  e  Vitisë  me  vendim   të  kryetarit të  Vitisë  z.Nexhmedin   Arifi.
Kjo  zyrë  ka    zyrtarin   për   mërgimtarët   i  cili   ofron   këshilla të   nevojshme  për   shërbimet  administrative  dhe  për   të  gjitha  punët  në  kuadër  të Qeverisë Komunale.
Komuna  e  Vitisë  ka shpallur 1 Gushtin  si “Ditë  të  Mërgimtarit”  e cila manifestohet me organizime të ndryshme   për   mërgimtarët  e  Komunës  sonë që  jetojnë  dhe  punojnë  në  vende  të  ndryshme   të  botës që  njiherit   do  të shërbej edhe si  takim  i  mërgimtarëve  në  vendlindje.
Me  mërgimtarët  në  ato  shtete  ku  jetojnë  dhe  punojnë,  dhe në ato komuna  që  kanë  ndikim  do  të  krijojmë  lidhje  miqësore  të  shkëmbimit  të  përvojave  në  fusha  të  ndryshme  të  jetës dhe  nëpërmes zyrës së  mërgimtarëve,  të  krijohen  urat lidhëse  në  mes  atyre  dhe Komunës  së Vitisë.
Komuna  e  Vitisë  mërgimtarëve  do  t’u  hapë  rrugë  për  investime  kapitale  në  lëmi  të  ndryshme  me  interes  të  përbashkët,  dhe  do  t’u  krijoj  lehtësira  në  investime  të  kapitalit  të tyre  në  vendlindje.
Fëmijët  e  mërgimtarëve  ta  ndiejnë atdhe  të  vetin Kosovën,  gjegjësisht  Komunën  ku ata vinë  për  pushim, e kjo  arrihet  vetëm  me  anë  të   një  bashkëpunimi  të  sinqertë  dhe  të  ngushtë.
Nëpër  mes  zyrës  për  mërgimtarët  dhe   me   kryetarët  e fshatrave  të  Komunës  së  Vitisë  është  organizuar  një  mobilizim  që  të  regjistrohën  në  secilin  fshat  sa  mërgimtar  jetojnë dhe  punojnë   në  botën  e  jashtme,  në  cilin  shtet punojnë,  me  viza  apo pa  viza,  që  saktësisht  të dihet se sa mërgimtarë kemi  në  botën e jashtme, që deri më sot nuk kemi pasur të dhëna të sakta.
  Zyra  për  Mërgimtarët i  falënderon të  gjithë  bashkatdhetarët,   që  kanë  dhënë  kontribut për të gjitha periudhat e kohës     për  ndërtimin  e shtetit të  Republikës  së  Kosovës.
Presim  që  së  bashku  me  mërgimtarët ndërtojmë dhe ta forcojmë shtetin  që është e ardhmja e  fëmijëve tanë.

Koordinatori i kryetarëve  të fshatrave
Zyra  për    Mërgimtarët
Tahir      Lubishtani.