KomunaeVitise

Drejtoria për Arsim Kulturë Rini e Sport në Viti, në përfundim të këtij fund viti ka përzgjedhur më të dalluarit në lëmin e kulturës dhe sportit në këtë komunë.

Përkundër buxhetit tejet të limituar për zhvillimin e aktiviteteve kulturore e sportive, megjithatë rezultatet në këto dy lëmi nuk kanë munguar gjatë vitit që po e lëmë pas.

Mr. Adem Murati zyrtar për Arsim, Kulturë Rini e Sport, ka theksuar se si drejtori komunale  nuk kemi arritur të plotësojmë nevojat dhe kërkesat  e klubeve dhe shoqërive në aspektin material, me që kemi pasur një buxhet të kufizuar për zhvillim të aktiviteteve.

Me gjithë mungesave buxhetore për financim të aktiviteteve kulturore, udhëheqës të kulturës kanë falënderuar institucionet komunale për mbështetjen e ofruar Brenda mundësive. Fehmi Rexhepi koreograf i Ansamblit të këngëve dhe Valleve Kemajl Azizi të Vitisë, është mirënjohës për përkrahjen morale dhe financiare të autoriteteve komunale për pjesëmarrje të këtij ansambli në festivale në Kosovë dhe jashtë saj.

Juria profesionale e përbërë nga sportistë, artistë e gazetarë, kanë përzgjedhur edhe klubet, shoqërit dhe individët më të dalluar në lëmin e sportit dhe kulturës për vitin 2009.

Sportisti më i dalluar u zgjodh Drilon Ibrahimi kampion i shumëfishtë i shenjëtarisë , vendi i dytë i takoi po ashtu anëtares së Klubit të Shenjëtarisë Jeton Rama të Vitisë Urata Rama, ndërsa si sportistja më e dalluar dhe trajnerë u zgjodh Pranvera Halimi nga Klubi Volejbollistik Vllaznia e Pozheranit. Klubi që arriti rezultate të lakmueshme gjatë këtij viti u zgjodh ai i shenjëtarisë Jeton Rama.

Ndërkaq në lëmin e kulturës, solisti Alban Zuka morri epitetin e më të dalluarit, pasuar nga talentja e artit figurative Shkurta Ramushi, kurse valltarët më të dalluar Fadil e Abdyl Ramaj nga SHKA Dasma e Pozheranit. Njëkohësisht më mirënjohje për suksesin e treguar gjatë këtij viti u nderuan edhe Klubi i letrat PENA.

Epitetin e më të merituarit, përkatësisht çmimi special për rezultat dhe suksesin e arritur në lëmin e kulturës, fituese të shumë çmimeve në festivale brenda dhe jashtë Kosovës, u zgjodh Ansambli i Këngëve dhe Valleve Kemajl Azizi nga Vitia. Mirënjohjet i ndanë shefi i administratës dhe personelit Daut Xhemajli, udhëheqësi për kulturë Ismet Sejdiu dhe mr.Adem Murati nga Drejtoria për Arsim, Kulturë Rini e Sport.