KomunaeVitise

Kryetari i Komunës së Vitisë Nexhmedin Arifi, ka pritur në një vizitë kryetarin e PSHDK-së Ton Marku me bashkëpuntorë. Qëllim i këtij takimi ishte thellimi  i bashkëpunimit të kësaj partie me institucionet komunale në shumë sfera të jetës.

 Kryetari Arifi i njohi mysafirët me aktivitetet dhe angazhimet e udhëheqjes komunale, ku pikë së pari është instaluar një administratë  efektive, si dhe janë në realizim e sipër disa projekte infrastrukturore e në veqanti ndërtimi I objekteve shkollore, që do të thotë se angazhim primar është përmirësimi i kushteve nëpër shkolla.

Kryetari I PSHDK-së Ton Marku, pasi ka njoftuar  kryetarin Arifi rreth programit të kësaj partie, ka përgëzuar udhëheqjen komunale për të arriturat në komunën e Vitisë. Marku ka shprehur gatishmërinë  e bashkëpunimit të ndërsjelltë me udhëheqjen komunale, ku edhe ka përmendur se PSHDK ka një pjesë të elektoratit në komunën e Vitisë. Edhe Lazër Krasniqi kryetar i senatit  të PSHDK-së, është fokusuar në arritjen e një bashkëpunimi të fuqishëm dhe po ashtu si partnere të ardhshme në zgjedhje e shohin PDK-në. Ndërsa , anëtari  i  kryesisë së PSHDK-së isak Ahmeti, ka kërkuar nga udhëheqja komunale një angazhim më të madh sa I përket projekteve investuese në fshatin Stubëll, siq është projekti I ujësjellësit, kanalizimit etj.

Kryetari I komunës Nexhmedin Arifi ka çmuar lartë bashkëpunimin me banorët e fshatit Stubëll, dukë vlersuar se është njëri ndër fshatrat më të organizuara në komunën e Vitisë. Megjithatë, Arifi tha se projektet e parapara për realizim gjatë këtij viti, kanë qenë të aprovuara nga përbërja e kaluar dhe nuk kemi mundur të bëjmë ndonjë ndryshim. Por, ka premtuar se është në kontakt të vazhdueshëm me Fondacionin Zviceran” Inter Corpooration”  me të cilët do të shqyrtoj mundësinë e rregullimit të ujësjellësit në fshatin Stubëll.